Yara na mutuwa a cikin teku

Adadin ya ninka wanda aka samu a watanni shida na farkon shekarar 2022, in ji asusun kula da yara na Majalisar Dinkin Duniya UNICEF, tare da kira da a fadada hanyoyin mafi inganci da bin doka ta hanyar bude wa yaran damar neman kariya a Turai.

Shugabar sashin kula da masu kaura da wadanda suka rasa matsugunnansu ta hukumar UNICEF Verena Knaus, ta ce a zahiri alkaluman na iya zarta haka, saboda hadarin nutsewar jiragen ruwa sau da yawa a tsakiyar tekun Bahar Rum, ba tare da wani ya tsira da ransa ba, ko kuma ba a rubuta su ba.

A cewar UNICEF, a cikin watanni ukun farko na shekarar 2023 da muke, kusan yara 3,300 wato kashi 71 cikin 100 na dukkan yaran da suka isa Turai ta hanyar teku, na rubuce ne a matsayin wadanda ba su da mai rakiya ko kuma an raba su da iyayensu.