China ta musunta yi wa Burtaniya leken asiri

Lamarin dai ya sake tayar da jijiyoyin wuya tsakanin Burtaniya da Chinar wacce ta yi  watsi da zarge-zargen da ta ce marasa tushe ne. Wadannan zarge-zargen na leken asiri na zuwa ne a daidai lokacin da Birtaniyar ta nuna sha'awar tattaunawa da China a baya-bayan nan, bayan shafe shekaru da dama kasashen biyu ba su dasawa.Rundunar ‘yan sandan Burtaniya ta sanar a ranar Asabar din da ta gabata cewa ta kama wani mutum mai shekaru ashirin a cikin watan Maris a gidansa da ke Edinburgh bisa laifin leken asiri, ba tare da bayyana sunansa ba, ko kuma bayar da cikakken bayani kan ayyukansa .