1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

Jawabin shugaban gwamnatin Jamus na shiga sabuwar shekara

Abdoulaye Mamane Amadou
December 31, 2023

A jawabinsa na shiga sabuwar shekara, shugaban gwamnatin Jamus ya bukaci a samu gagarumin sauyi, duba da rikice-rikicen da ke addabar duniya.

https://p.dw.com/p/4akCN
Shugaban gwamnatin Jamus Olaf Scholz, na jawabin shiga sabuwar shekara
Shugaban gwamnatin Jamus Olaf Scholz, na jawabin shiga sabuwar shekaraHoto: Markus Schreiber/AP/picture alliance

A cikin sakonsa na shiga sabuwar shekara ga al'ummar Jamus, shugaban gwamnati Olaf Scholz, ya tabbatar da cewa rigin-gimun da duniya ke ciki na da matukar daukar hankali, amma kuma duk da hakan Jamus ba za ta yi sanyi a gwiwa ba, domin za ta samu mafita.

Shugaban gwamnatin kasar Olaf Scholz, ya bayyan cewa "Wahalhalu na karuwa, zubar jini na yawa, duniyarmu ta kasance mai cike da kalubale daban-daban da ke caccanzawa cikin hanzari irin na ban al'ajabi, ga wasu, wadannan abubuwan fargaba ne, to amma yana da kyau mu sauya dabi'unmu, ina kuma da yakinin cewa za mu samu mafita."

Shugaban gwamnatin ya kuma tabo batutuwan da suka shafi tattalin arziki da zamantakewa, inda ya ce an samu raguwar hauhawan farashin kayayaki, a yayin da albashi da kudin fansho suka karu, kana kasar ta yi tanadin wadataccen makamashin da zai bata damar tinkarar sanyin hunturu na bana.