Koriya ta Arewa ta harba makamai masu linzami daga teku

Shugaban Koriya ta Arewa Kim Jong Un ya halarci wani atisayen sojin ruwa na musamman wanda ya umurci a gabansa jirgin ruwan yaki na kasar ya harba makamai masu lunzami a matsayin gwaji. Hakan na zuwa ne a daidai lokacin da Amirka da makwabciyar kasar, Koriya ta Kudu, suka shirya gudanar da wani atisayen sojoji na musamman wanda kan haifar da karuwar tashin hankali a tsakanin Koriyoyin guda biyu a duk lokacin da aka yi shi.

Duk da Koriya ta Arewan ba ta bayyana zahirin ranar da shugaban nata ya ziyarci sojojin ruwan domin cilla makamai masu linzamin ba, amma Koriya ta Kudu ta ce labarin cike yake da kura-kurai.