Koriya ta Arewa ta sake yin gwajin makamai

Koriya ta Arewa ta harba makamai masu linzami da dama a yammacin rawayar teku, a cewar hafsan hafsoshin sojojin Koriya ta Kudu. Sai dai Amurka da Koriya ta Kudu da ke dasawa da juna sun bayyana cewar suna nazarin gwajin tare da sa ido kan alamomin karuwar harba makamai na fadar mulki ta Pyongyang.

Dama dai dngantaka tsakanin Koriya ta Arewa da takwarta Koriya ta Kudu ta yi tsami a baya-bayannan. Ko da a kwanakin da suka gabata, sai da shugabannin mulkin gurguzu na Koriya ta Arewa suka yi ta gwajin makamai masu linzami akai-akai. Amma a martanin da ta mayar, Amurka ta sanar da tura wani jirgin ruwa mai dauke da makaman nukiliya a kasar Koriya ta Kudu domin bata kariyar da take bukata.