1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Covid-19 ta sa Holland ta rufe iyaka da Birtaniya

Abdoulaye Mamane Amadou
December 20, 2020

Bullar wani nau'in kwayar annobar Covid-19 ya sa mahukunta a Holland sun dakatar da saukar jiragen jigilar jama'a daga Birtaniya a kasar bisa fargabar yada annobar ga jama'a.

https://p.dw.com/p/3myD4
Niederlande Amsterdam Schiphol | British Airways Embraer ERJ-190
Hoto: Nicolas Economou/NurPhoto/picture alliance

Gwamnatin Holland ta soke duk wani saukar jiragen sama a kasar daga Biraniya a wani mataki na kare kanta, biyo bayan samun wani nau'in kwayar cutar Covid-19 da ya bayyana a wani bangare na kasar Birtaniya.

Matakin da tuni ya soma aiki zai shafe tsawon kwanaki 10 ne, a cewar wata sanarwar da hukumomin kasar ta Holland suka bayyana.

Wannan lamarin na zuwa a daidai lokacin da jami'ai a Birtaniya, suka dauki dokar kulle a birnin Landan da yankin Kudu maso gabashin kasar bisa bullar cutar da aka hakikance mai saurin yaduwa ga jama'a.