Fifa ta dakatar da shugaban kwallon kafar Spain

Biyo bayan sumbatar yar wasa Jenni Hermoso a lebenta bayan da Spain ta doke Ingila a wasan karshe na Kofin Duniya wanda ya janyo ce-ce-ku-ce mai zafi.

Ko baya ga dakatar da shi daga shugabantar hukumar kwallon kafa a kasar Spain, kazalika FIFA ta haramtawa Rubiales daga shiga harkokin wasa a kasar ta Spain da ma a matakin duniya baki daya.

Duk da kiraye-kirayen da aka dinga yi a ciki da wajen kasar na ya sauka daga mukaminsa kafin matakin na FIFA na yau, Mista Rubiales ya ki yin murabus.