Fafaroma ya bukaci a kare kananan yara

Fafaroma Francis ya nuna takaicinsa yana mai cewa yara sama da 3,000 ne suka halaka a yankin Zirin Gaza kawai, abin da ya bayyana da mummunan yanayi na takaici da jimami. Ya kara da cewa a Ukraine ma sama da yara 500 ne suka halaka, kana yakin Yemen da aka kwashe shekaru ana gwabzawa tsakanin sojojin kasar da 'yan tawayen Houthi ya halaka dubban kananan yara. Hukumar Kula da Ilimin Kananan Yara ta Majalisar Dinkin Duniya UNICEF, ta bayyana cewa sama da yara 5,000 ne rahotanni ke nunar da cewa  sun halaka a Zirin Gaza yayin da wasu dubbai suka jikkata sakamakon hare-haren bama-bamai da Isra'ila ke kai wa babu kakkautawa a yankin.