تاجیکستان: سه جنگجوی وارد شده از افغانستان را کشتیم

خاور، خبرگزاری دولتی تاجیکستان امروز چهارشنبه گزارش داده است که سه تن از اعضای «سازمان تروریستی جماعت انصارالله» که از افغانستان وارد تاجیکستان شده بودند در منطقه مرزی کشته شدند.

بیشتر بخوانید:آیا امریکا طیاره‌های کمک شده به افغانستان را به تاجیکستان و ازبکستان می‌دهد؟

 این خبرگزاری به نقل از کمیته دولتی امنیت ملی تاجیکستان نگاشته است که این افراد در آستانه روز استقلال این کشور «برای انجام اقدامات تروریستی وارد تاجیکستان شده بودند» و در عملیاتی کشته شدند.

به اینستاگرام دویچه وله دری بپیوندید

جماعت انصارالله یک گروه ستیزه‌جوی اسلام‌گرای تاجیک است.

بر بنیاد معلومات این خبرگزاری، این افراد در منطقه کوران به صورت غیرقانونی از خط مرزی میان افغانستان و تاجیکستان عبور کرده بودند.

بیشتر بخوانید: تجلیل از سالروز استراداد استقلال افغانستان در تاجیکستان

مقام‌های کمیته امنیت ملی تاجیکستان گفته اند که اعضای این گروه با سلاح‌های مختلف سبک و سنگین مجهز بوده اند که این جنگ افزارها شامل سلاح‌های تک تیرانداز ام ۱۶، کارابین ام ۴ و تفنگچه جی اف امریکایی بوده است.

بیشتر بخوانید: تاجیکستان از کشتن دو فرد مسلح هنگام ورود غیرقانونی از افغانستان خبر داد

بر بنیاد معلومات این اداره دولتی تاجیکستان، اعضای این افراد شهروند تاجیکستان بوده و پیش از پیش مقدار زیاد تجهیزات نظامی به شمول اسلحه، مهمات، مواد منفحره و وسایل ارتباطی را از خاک کشور همسایه به این محل منتقل و مخفی کرده بودند.

بیشتر بخوانید: چین در تلاش نزدیک شدن بیشتر با آسیای میانه است

این خبرگزاری نگاشته است که این نخستین بار نیست که اعضای سازمان تروریستی «جماعت انصارالله» اقدام به بی ثباتی اوضاع در خاک تاجیکستان می‌کنند.

خاور گزارش داده که در ماه اپریل سال روان نیز دو تن از اعضای این سازمان به منظور حملات تروریستی از خط مرزی افغانستان عبور کرده و وارد تاجیکستان شده بودند که در نتیجه یک عملیات کشته شدند. 

بیشتر بخوانید: تاجیکستان صدها تاسیسات امنیتی در امتداد مرز افغانستان می‌سازد

طالبان تاکنون در این باره چیزی نگفته اند.

یوتیوب دویچه وله دری را دنبال کنید 

پس از تسلط طالبان کشورهای همسایه این کشور نگران فعالیت گروه‌های تروریستی در خاک افغانستان اند و ترس دارند که این گروه‌ها از افغانستان به کشورهای همسایه رخنه کنند. اما اداره طالبان هموار تاکید می‌کند که اجازه استفاده از خاک افغانستان علیه هیچ کشوری را نمی‌دهد.