Раскошот на поларната светлина

Поларната светлина можеше да се види од Тасманија до Велика Британија, а се заканува да предизвика пречки во работата на сателитите и електричните мрежи во текот на викендов.

За поларната светлина се одговорни т.н. сончеви бури. Поларната светлина во Земјината атмосфера настанува кога брзите, со електрицитет набиени, честички се исфрлаат од Сонцето, влегуваат во Земјиното магнетно поле, па забрзувајќи се кон Земјините магнетни полови се судираат со честичките на воздухот и ги поттикнуваат на емисија на светлина, најчесто на висина помеѓу 90 и 150 километри.